Toǵyzqumalaqtan kompıýter baǵdarlamalary boıynsha álem chempıonatynda qazaqstandyqtar І oryn ıelendi
ASTANA. QazAqparat - 17-19 shilde aralyǵynda Chehııa Respýblıkasynyń Pardýbıtse qalasynda toǵyzqumalaqtan kompıýter baǵdarlamalary arasyndaǵy ІІІ álem chempıonaty ótti, dep habarlaıdy Shtattyq ulttyq komandalar men sporttyq rezerv dırektsııasynyń baspasóz qyzmetinen.
І oryndy qazaqstandyq avtorlar: Ernar Shambaev, Dıana Kenına jáne Serik Aqtaevtyń baǵdarlamasy 6 upaı jınap jeńip aldy. ІІ oryn - Qyrǵyzstan eliniń avtorlarynyń baǵdarlamasy ıelense, ІІІ orynǵa Chehııa Respýblıkasynyń avtorlary daıyndaǵan baǵdarlamasy laıyq dep tanyldy.
Dúnıejúzilik toǵyzqumalaq federatsııasy jáne toǵyzqumalaqtan Chehııa Respýblıkasynyń federatsııasy halyqaralyq deńgeıde nasıhat júrgizý úshin zııatkerlik oıyndardy jazatyn álemniń úzdik programmısterin tartýǵa den berýde.
