Toǵyzqumalaqtan Qazaqstannyń parasportshylary arasynda úzdik oıynshy anyqtaldy
TARAZ. QazAqparat - Tarazda zaǵıptar men kózi nashar kóretin sportshylar arasynda ulttyq sport túri boıynsha respýblıkalyq jarys óz máresine jetti, dep habarlaıdy QazAqparat tilshisi Jambyl oblystyq ákimdigi sport basqarmasyna silteme jasap.
Respýblıkanyń barlyq óńirinen kelgen 54 sportshy 13 komandaǵa birigip, «Samal» saýyqtyrý ortalyǵynda ótken toǵyzqumalaqtan Qazaqstan chempıonatyna qatysty.
Chempıonattyń qorytyndysy boıynsha, erler arasynda birinshi oryndy almatylyq Qaırat Qalqaev, ekinshi oryndy onyń jerlesi Meıirbek Nýsipbaev, úshinshi oryndy Almaty oblysynan kelgen Mýsrıat Elıbakıev jeńip aldy.
Pavlodarlyq Jumabaeva Elvıra qyzdar arasynda toǵyzqumalaqtan el chempıonatynyń jeńimpazy atandy. Ekinshi oryndy Shyǵys Qazaqstan oblysynyń ókili Elvıra Rahımjanova jáne úshinshi oryndy almatylyq Zınıatqyz Núsipbaeva ıelendi.
«Chempıonatty QR Mádenıet jáne sport mınıstrligi Jambyl oblystyq mádenıet jáne sport basqarmasymen birlesip uıymdastyrdy. Chempıonat ótkizýdiń basty maqsaty - ulttyq sport túrin nasıhattap, jastardyń patrıottyq sezimin oıatý», - dep túsindirdi sport vedomstvosynda.
Aıta keteıik, Qazaqstanda toǵyzqumalaqpen 200 myńǵa jýyq adam aınalysady.
