Toǵyzqumalaqtan Qazaqstan kýbogy ótti
ORAL. QazAqparat – Aqtóbe qalasynda toǵyzqumalaqtan eresekter arasynda Qazaqstan kýbogy márege jetti, dep habarlaıdy QazAqparat tilshisi.
Toǵyzqumalaqtan BQO quramasynyń aǵa bapkeri, Qazaqstannyń eńbek sińirgen jattyqtyrýshysy Dáýlet Ábdikárimovtiń aıtýynsha, 10-15 qarasha aralyǵynda ótken jarysqa elimizdiń on oblysynan 76 sportshy qatysyp, baq synady.
Sonyń ishinde 11-i halyqaralyq dárejedegi sport sheberi bolsa, 20-sy – sport sheberi, 43-i – sport sheberligine úmitker.
Saıys qorytyndysynda komandalyq esepte Aqtóbe oblysynyń quramasy birinshi, pavlodarlyqtar ekinshi orynǵa ıe boldy. Batysqazaqstandyqtar úzdik úshtikti túıindedi.
«Jekeleı esepte de batysqazaqstandyqtar jaqsy nátıje kórsetti. Uldar arasynda birinshi taqta boıynsha Áset Qaıyrjanov ekinshi, úshinshi taqtada Darhan Ánýarbekov birinshi orynǵa kóterildi. Al qyzdar arasynda tórtinshi taqtada Alıza Ernııazova birinshi, Aıda Karına úshinshi orynnan kórindi. Darhan Ánýarbekov pen Alıza Ernııazova Qazaqstan Respýblıkasynyń sport sheberi ataǵynyń normatıvin oryndady», dedi QazAqparat tilshisine D.Ábdikárimov.
