Toǵyzqumalaqtan álem kýbogyn Qazaqstan oıynshylary jeńip aldy
ASTANA. QazAqparat - 16-19 qyrkúıek kúnderi aralyǵynda Rýmynııanyń Konstantsa qalasynda toǵyzqumalaqtan jastar arasynda Álem kýbogy ótti, dep habarlaıdy QazAqparat tilshisi.
Dúnıejúzilik toǵyzqumalaq federatsııasynyń qoldaýymen ótken bul jarysty Ulttyq jáne at sporty túrleri ortalyǵy men Tatar demokratııalyq qoǵamy uıymdastyrdy.
Álem kýbogine 9 memleketten 50-ge jýyq sportshy qatysty.
Atap aıtqanda, Qazaqstan, Qyrǵyzstan, Bolgarııa, Pakstan, Rýmynııa, Túrkııa, Chehııa, Ýkraına jáne Efıopııadan kelgen oıynshylar ózara myqtyny anyqtady.
Jarys shveıtsar júıesi boıynsha uldar men qyzdar arasynda rapıd jáne shapshań oınaý túri boıynsha jeke-jeke ótkizildi.
Nátıjesinde Qazaqstan jastar quramasy 4 altyn, 4 kúmis jáne 4 qola medal enshilep, jalpykomandalyq esepte top jardy.
Qazaqstandyq sportshylardan altyn medaldi Dastan Qalybek (Shymkent qalasy) - 2 altyn, Aıana Isahan (Abaı oblysy) jáne Salman Arýjan ( Túrkistan oblysy) 1 altyn jeńip aldy.
Osylaısha álem kýbogyn qanjyǵasyna baılap qaıtty.
Sondaı-aq, Chehııa sportshylary 2 qola, Rýmynııa men Efıopııa sportshylary 1 qola medaldan jeńip aldy.
