Toǵyzqumalaqtan Álem chempıonatynda el namysyn kimder qorǵaıdy
NUR-SULTAN. QazAqparat -Túrkııanyń Antalıa qalasynda ótetin toǵyzqumalaqtan álem chempıonatynda el namysyn kimder qorǵaıtyny belgili boldy, dep habarlaıdy QazAqparat tilshisi.
Osymen besinshi márte alaýy tutanatyn álemdik synda el namysyn segiz oıynshy qorǵaıdy. Bul týraly QazAqparat tilshisine Dúnıejúzilik toǵyzqumalaq federatsııasynyń bas hatshysy Maqsat Shotaev aıtyp berdi.
Atalǵan synda áıelder arasynda Əsel Dalıeva, Saltanat Saparbekova, Gúljanat Aldabergenova, Arýjan Ábdihanova, erler arasynda Hakimjan Eleýsinov, Saıat Jandarbek, Janat Kaımýldın jáne Ǵalymjan Temirbaev el namysyn qorǵamaq.
Jarys klassıka jáne blıts túrinde ótedi.
Osyǵan deıin, tól oıynymyz - toǵyzqumalaqtan álem chempıonaty 25 sáýir men 4 mamyr aralyǵynda ótetini týraly jazǵan bolatynbyz.
Toǵyzqumalaqtan álem chempıonatyn ótkizýdegi basty maqsat - qazaqtyń ulttyq zııatkerlik oıynyn álemdik deńgeıde nasıhattaý, onyń buqaralyq sıpatyn arttyrý jáne osy sport túrindegi eń úzdik sportshylardy anyqtaý.
Eske sala keteıik, toǵyzqumalaqtan tuńǵysh álem chempıonaty 2010 jyly Qazaqstannyń elordasynda ótkizilip, 16 elden sportshylar qatysqan bolatyn. 2012 jyly Chehııanyń Pardýbıtse qalasynda bolǵan ІІ álem chempıonatyna 10 elden sportshy qatyssa, ІІІ álem chempıonaty 2015 jyly Almatyda ótkizilip, 23 eldiń sportshylary baq synady. Al, ІV ret tól oıynymyzdan álem birinshiligi EKSPO-2017 halyq¬aralyq kórmesi aıasynda elordamyzda ótti. Sońǵy birinshilikke álemniń 25 elinen 70-ten astam toǵyzqumalaqshy kelip, baq synady.
