Toǵyzqumalaqtan álem chempıonaty Túrkııada ótedi
NUR-SULTAN. QazAqparat - Túrkııanyń Antalıa qalasynda 25 sáýir men 4 mamyr aralyǵynda qazaqtyń ulttyq oıyny toǵyzqumalaqtan V álem chempıonaty ótedi, dep habarlaıdy QazAqparat.
Dúnıejúzilik toǵyzqumalaq federatsııasynyń baspasóz qyzmeti taratqan málimetke súıensek, atalǵan birinshilikte el namysyn eń tańdaýly oıynshylar qorǵamaq.
Búgingi tańda álem chempıonatyna qatysatyn sportshylar sońǵy daıyndyqtaryn pysyqtap, Antalıaǵa attanýǵa ázirlenip jatyr.
Toǵyzqumalaqtan álem chempıonatyn ótkizýdegi basty maqsat - qazaqtyń ulttyq zııatkerlik oıynyn álemdik deńgeıde nasıhattaý, onyń buqaralyq sıpatyn arttyrý jáne osy sport túrindegi eń úzdik sportshylardy anyqtaý.
Eske sala keteıik, toǵyzqumalaqtan tuńǵysh álem chempıonaty 2010 jyly Qazaqstannyń elordasynda ótkizilip, 16 elden sportshylar qatysqan bolatyn. 2012 jyly Chehııanyń Pardýbıtse qalasynda bolǵan ІІ álem chempıonatyna 10 elden sportshy qatyssa, ІІІ álem chempıonaty 2015 jyly Almatyda ótkizilip, 23 eldiń sportshylary baq synady. Al, ІV ret tól oıynymyzdan álem birinshiligi EKSPO-2017 halyq¬aralyq kórmesi aıasynda elordamyzda ótti. Sońǵy birinshilikke álemniń 25 elinen 70-ten astam toǵyzqumalaqshy kelip, baq synady.
