Toǵyzqumalaqshylar el kýbogynda úzdikterdi anyqtady
ORAL. QazAqparat - Atyraý qalasynda 20 jasqa deıingi jastar arasynda toǵyzqumalaqtan el kýbogy márege jetti, dep habarlaıdy «QazAqparat» tilshisi.
BQO dene shynyqtyrý jáne sport basqarmasynan túsken málimetke sáıkes, jarysta batysqazaqstandyq toǵyzqumalaqshylar tabysty óner kórsetti. Atap aıtqanda, jekeleı synda Oraldaǵy №2 balalar-jasóspirimder sport mektebiniń shákirtteri Dılnaz Ernııazova altynnan alqa taqsa, Jarashan Saǵynbaev - ekinshi, Alıza Ernııazova úshinshi orynǵa ıe boldy.
Komandalyq esepte Dáýlet Ábdikárimov jattyqtyratyn BQO quramasy úshinshi orynǵa ıe boldy.
Almaty qalasy men elimiz oblystarynan barlyǵy 10 komanda quramynda 80 sportshy baq synaǵan saıysta aqtóbelikter jeńis tuǵyrynan kórinse, qyzylordalyqtar ekinshi oryndy enshiledi. 
