Toǵyzqumalaq oıyny mektep baǵdarlamasyna engiziledi
«Toǵyzqumalaq – qazaq halqynyń álemdik mádenı muraǵa qosqan úlesiniń jarqyn úlgisi. Búginde Oqý-aǵartý, Mádenıet jáne sport mınıstrlikteri federatsııa qoldaýymen barlyq dene shynyqtyrý muǵalimderine toǵyzqumalaq úıretilip, mektep baǵdarlamasyna engizýge daıyndyq júrýde. Oǵan deıin barlyq JOO-da jattyqtyrýshylar daıyndaıtyn baǵdarlamaǵa da toǵyzqumalaq engizildi. Otandyq IT mamandarymyz «Android» pen «iOS» júıeleri úshin arnaıy qosymshalar ázirledi», - dedi Á. Báımenov Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, álemde zııatkerlik oıyndardy kóp oınaıtyn eki veb-saıt bar, olar – kanadalyq iggamecenter.com jáne polshalyq playok.com.
Onda da toǵyzqumalaq eń kóp oınalatyn oıyndar qataryna engen.
2006 jyldan bastap toǵyzqumalaq álemdik zııatkerlik oıyndar olımpıadasy baǵdarlamasyna engen. Al 2008 jyly Dúnıejúzilik toǵyzqumalaq federatsııa qurylǵan.
Búgingi kúnde toǵyzqumalaqtan 6 álem chempıonaty, 5 Azııa chempıonaty jáne 4 Eýropa chempıonaty ótkizilgen.
«2020 jyly toǵyzqumalaq oıyny ıÝNESKO-nyń adamzattyń materıaldyq emes murasy qataryna engizildi. Qazir Qazaqstanda 200 myńnan astam adam 3000 jattyqtyrýshylardyń kómegimen toǵyzqumalaqpen aınalysady. Toǵyzqumalaqpen 30-dan astam elde (Kolýmbııa, Germanııa, Frantsııa, Ulybrıtanııa, Chehııa, Latvııa, Lıtva, Bangladesh jáne t.b.) adamdar turaqty túrde shuǵyldanady», - dedi Á. Báımenov.
Aıta keteıik, 21-24 qyrkúıek kúnderi Almaty qalasynda tuńǵysh ret toǵyzqumalaqtan oqýshylar arasynda álem chempıonaty ótedi.
Jarysqa 20 elge jýyq elderden kelgen sportshylar qatysady.
