Toǵyzqumalaq: BQO quramasy komandalyq jarysta el chempıony atandy
ORAL. QazAqparat – Aqtaý qalasynda toǵyzqumalaqtan 20 jasqa deıingiler arasynda komandalyq el chempıonaty márege jetti, dep habarlaıdy QazAqparat tilshisi.
Toǵyzqumalaqtan BQO quramasynyń aǵa bapkeri, Qazaqstannyń eńbek sińirgen jattyqtyrýshysy Dáýlet Ábdikárimovtiń málim etkenindeı, 7-12 jeltoqsan aralyǵynda ótken komandalyq chempıonatqa elimizdiń toǵyz oblysynan 60-qa jýyq sportshy qatysty.
Olardyń ishinde úsheýi – halyqaralyq dárejedegi sport sheberi. 41-i sport sheberi bolsa, 10-y – birinshi dárejeli sportshy.
Jarys qorytyndysynda BQO quramasy jeńimpaz atandy.
Pavlodarlyqtar ekinshi, qyzylordalyq toǵyzqumalaq sheberleri úshinshi orynǵa ıe boldy.
Eske sala keteıik, budan buryn toǵyzqumalaqtan Qazaqstan kýbogy ótkenin jazǵan edik.
