Toǵyz jasar oqýshy Shýmaherge arnap kitap jazdy
ASTANA. QazAqparat - Brıtanııada toǵyz jastaǵy oqýshy Eıden Gormlı kitap jazyp, onyń bir danasyn óziniń pir tutatyn tulǵasy Mıhael Shýmaherge syıǵa tartty, dep jazady sheteldik BAQ.
Oqýshy týyndysynyń atyn «Ferrarıdiń oqıǵalary» dep ataǵan. Satylymnan túsken qarjynyń barlyǵy qaıyrymdylyqqa jumsalady. Jas avtordyń aıtýynsha, «baı bolýǵa oǵan áli erte».
«Dostyq peıilderińizge alǵysym sheksiz. Bizdiń Mıhael eshqashan berilmeıdi», - dep syılyǵyna alǵys aıtyp, Shýmaherdiń jary Korınna Shýmaher Eıdenge hat jazdy.
Eske sala ketsek, Frantsııadaǵy Merıbelde 2013 jylǵy 29 jeltoqsanda taý betkeıinde shańǵy teýip júrgen Shýmaher qulap, basynan aýyr jaraqattanǵan bolatyn. Qazir dárigerler shabandozdyń densaýlyǵyn qalypty dep baǵalap otyr. Sportshy dybystardy estıdi jáne týǵan-týystaryn tanıdy.
