Toǵyz jasar bala Ońtústik Amerıkadaǵy Akonkagýa shyńyn baǵyndyrdy
ASTANA. 28 jeltoqsan. QazAqparat - Kalıfornııanyń toǵyz jasar turǵyny Taıler Armstrong Ońtústik Amerıkadaǵy eń bıik shyń - Akonkagýany baǵyndyryp,
tarıhtaǵy eń jas alpınıst atandy. Bıiktigi 6 myń 962 metr taý Argentınada ornalasqan.
Bala shyńǵa ákesimen birge katolıkterdiń Rojdestvo merekesiniń qarsańynda shyqqan.
«Onda shynynda da jer atmosferasy kórinip turdy, - dedi T.Armstrong ekspedıtsııa sońynda. - Siz óz aıaǵyńyzdyń astynan bulttardy kóresiz. Onda óte sýyq. Taýdyń shyńy úlken, aýmaǵy bir úıdiń ornyndaı, al onyń artynda jar bar.
Aıta keteıik, 7 myń adamnyń 30 paıyzy ǵana bıiktigi 6 myń metrlik shyńdy baǵyndyrýǵa lıtsenzııa alady eken. Ol erejelerge sáıkes, bul batyl qadamǵa bel býǵandardyń jasy 14-ten joǵary bolýy kerek.
Ruqsat alý úshin jas alpınıstiń ákesine Argentına bıligimen sottasýyna týra kelgen. Aqyr sońynda, olardyń komandasy zań qorǵaýshylaryn balanyń shyńǵa shyǵýǵa múmkindigi bar ekenine kóndirgen. Atap óteıik, T.Armstrong rekord ornatqan alpınıske aınalýy múmkin. Ol segiz jasynda Afrıkanyń Kılımandjaro shyńyn baǵyndyrǵan. Endi jas bala jeti qurlyqtaǵy - «jeti bıik» shyńǵa shyǵýdy kózdep otyr.
