Toǵyz óńirde dala órtiniń tutaný qaýpi bar
NUR-SULTAN. QazAqparat – Elimizdiń 9 óńirinde dala órtiniń tutaný qaýpi bar. Bul týraly búgin QR ІІM Tótenshe jaǵdaılar komıtetindegi brıfıngte málim boldy, dep habarlaıdy QazAqparat tilshisi.
«Órt qaýipti jaǵdaılar toǵyz óńirde baıqalyp tur. ıAǵnı Aqmola, Almaty, Shyǵys Qazaqstan, Jambyl, Batys Qazaqstan, Qostanaı, Qaraǵandy, Pavlodar jáne Soltústik Qazaqstan oblystary osy tizimge endi. Órt qaýipti kezeń (sáýir aıynan) bastalǵaly orman qory aýmaǵynda 419 órt tirkeldi. Ótken jyldyń sáıkes kezeńimen salystyrǵanda bundaı faktilerdiń sany 73 paıyzǵa kóbeıdi», - delingen komıtet málimetinde.
Belgili bolǵandaı, 2019 jyldyń sáýirinen elimizde 26 dala órti boldy. Bul turǵyda 2018 jylǵa qaraǵanda 13 paıyzǵa tómendedi.
Budan buryn habarlanǵandaı, QR ІІM Tótenshe jaǵdaılar komıtetiniń tóraǵasy Vladımır Bekker Reseıdiń Sibir aýmaǵyndaǵy órttiń taralýy Qazaqstanǵa qaýip týdyrmaıtynyn málim etti.
