Toǵyz qazaqstandyq ýnıversıtet álemniń eń úzdik JOO-lary qataryna kirdi
ASTANA. QazAqparat - Qazaqstannyń 9 ýnıversıteti álemdegi eń úzdik Joǵary oqý oryndarynyń qataryna endi. Bul týraly búgin Ortalyq kommýnıkatsııalar qyzmetinde ótken brıfıngte QR Bilim jáne ǵylym vıtse-mınıstri Tahır Balyqbaev aıtty.
«Búginde QS reıtıngisi boıynsha bizdiń bir joǵary oqý ornymyz TOR-300 tizimine kiredi. Ol ál-Farabı atyndaǵy Qazaq ulttyq ýnıversıteti. Al TOR-400-ge L. Gýmılev atyndaǵy Eýrazııa ulttyq ýnıversıteti enedi», - dedi Tahır Balyqbaev.
Onyń aıtýynsha, taǵy 7 qazaqstandyq ýnıversıtet TOR-800-ge turaqtap otyr.
Vıtse-mınıstrdiń aıtýynsha, 2010 jyly Bolon protsesine qol qoıylyp, Qazaqstanda birqatar ustanymdar engizilgen bolatyn.
«Osyndaı ustanymdardyń biri sapamen qamtamasyz etýdiń jańa júıesi bolyp tabylady. Keıbir ýnıversıtetterdiń akkredıtatsııalaýdan ótpeı qalatyn jaǵdaıy belgili tendentsııa. Biz osyndaı júıeni engizemiz. Osy júıe boıynsha Qazaqstan boıynsha qazir eki akkredıtteý agenttigi qyzmet etip jatyr. Olarmen qatar taǵy 8 agenttik bizdiń JOO-larǵa akkredıtatsııalaýdan ótýge múmkindik beredi» - dep atap ótti T. Balyqbaev.
