Toǵyz qazaqstandyq eki jylǵa sporttan shettetildi
ASTANA. 5 qarasha. QazAqparat - Halyqaralyq aýyr atletıka federatsııasy bıylǵy jylǵy jarystarda dopıng qoldanǵan sportshylardyń tizimin jarııalady. Aralarynda toǵyz qazaqstandyq atlet bar.
Astanada ótken Azııa chempıonatynda altyn alǵan Aleksandra Aborneva men Aleksandr Zaıchıkov, qola júldeger Evgenıı Efstafeev 2015 jylǵa deıin sporttan ketti. Úsheýi de testosteron qoldandy dep aıyptalýda (Dehydrochloromethyl- testosterone). Úsh sportshy Astanada ótken Azııa chempıonatyndaǵy medaldaryn qaıtaryp berýi tıis.
Sondaı-aq Bishkekte ótken jastar arasyndaǵy Azııa birinshiliginde júlde alǵan alty qazaqstandyq dopıng daýyna ilindi. Chempıondar Erbolat Jolamanov pen Maksım Loktınov, Ásem Sársekenova, Ǵalymbek Jubatqanov, kúmis júldeger Maıra Faızollaeva, Aıdar Kazov eki jyl jarysqa qatysa almaıdy. Bul týraly alaman.kz habarlady.
