Toǵyz adam Salvadordaǵy surapyl daýyldyń qurbany boldy
NUR-SULTAN. QazAqparat – Salvador aýmaǵyn jaıpap ótken «Amanda» daýyly kem degende toǵyz adamnyń ómirin qıyp ketti. Bul týraly jeksenbide jergilikti ІІM basshysy Marıo Dýran málimdedi, dep habarlaıdy EFE agenttigi.
«Qaza tapqandar sanyn esepteý jalǵasýda. Tek ázirge toǵyz adamnyń qaza tapqany ǵana belgili», - dedi ol.
Sondaı aq mınıstr, eldiń birqatar aýdandarynda elektr jaryǵyn berýdiń qıyndaǵandyǵyn aıtty.
Budan buryn Salvador prezıdenti Naııb Býkele elde daýylǵa baılanysty 15 kún merzimge tótenshe jaǵdaı engizilgenin habarlaǵan bolatyn.
