Togo fýtbolshylary jol apatynda qazaǵa ushyrady
ASTANA. 28 qarasha. QazAqparat - Togoda jol apatynda eldiń jetekshi fýtbol klýbynyń alty oıynshysy qazaǵa ushyrady, dep habarlady RBK Associated Press agenttigine silteme jasap.
Oqıǵa «Etýal Fılant» klýbynyń oıynshylary Sokodta ótetin jergilikti «Semassı» klýbymen matchqa bara jatqan kezde boldy. Aldyn ala málimetter boıynsha, avtobýstyń dóńgelegi jel jiberip, júrgizýshi basqarýdan aıyrylyp qalǵan.
Joǵary jyldamdyqta kele jatqan avtobýs jol jıegine aýdarylyp, órtengen. Alty fýtbolshy kóz jumdy. Avtobýstyń taǵy 28 jolaýshysy ártúrli jaraquattarmen Togo astanasy Lomedegi áskerı gospıtalǵa jetkizildi.
«Etýal Fılant» astanalyq klýby Togo ulttyq lıgasynyń jeti dúrkin jeńimpazy.
