Toǵyzqumalaqtan Nálqoja Ergeshbaevty eske alýǵa arnalǵan týrnır bastaldy

ASTANA. KAZINFORM – Búgin Syr óńiriniń áleýmettik-ekonomıkalyq damýyna súbeli úles qosqan memleket jáne qoǵam qaıratkeri Nálqoja Ergeshbaevty eske alýǵa arnalǵan toǵyzqumalaqtan respýblıkalyq týrnırdiń ashylý saltanaty ótti.

QR Sport komıtetiniń baspasóz qyzmeti atap ótkendeı, saltanatty sharaǵa oblystyq máslıhat tóraǵasy Murat Tileýimbetov, oblys ákiminiń orynbasary Shahmardan Baımanov, oblystyq ardagerler keńesiniń tóraǵasy Serik Dúısenbaev, Qazaqstannyń Eńbek Eri Abzal Eralıev pen Imamzada Shaǵyrtaev, QR toǵyzqumalaq sport federatsııasy zańdy tulǵalar birlestiginiń vıtse-prezıdenti, Qazaqstannyń Eńbek sińirgen jattyqtyrýshysy Maqsat Shotaev, Qyzylorda oblystyq toǵyzqumalaq zııatkerlik qaýymdastyǵynyń prezıdenti Ábdiqadyr Ergeshbaev sondaı-aq, zııaly qaýym men BAQ ókideri qatysty.

Aıta keteıik, bıyl dástúrli jarystardyń birine aınalǵan baıraqty básekeniń 17-shi márte jalaýy jelbirep otyr.

Dúbirli dodaǵa elimizdiń ár óńirinen kelgen 14 komanda, 350-ge jýyq toǵyzqumalaqshy sheberlikterin synamaq. Saıys 7 naýryzǵa deıin jalǵasady.

Aıta keteıik, qazaqtyń toǵyzqumalaǵy Qytaıda úzdik ulttyq sport atandy.