Toǵyzqumalaqtan el chempıonatynda túrkistandyq qyzdar top jardy

Aqtóbe qalasynda toǵyzqumalaqtan áıelder arasyndaǵy Qazaqstan Respýblıkasynyń komandalyq chempıonaty óz máresine jetti, dep habarlaıdy Kazinform.

QR Toǵyzqumalaq federatsııasynyń baspasóz qyzmeti bir aptaǵa sozylǵan tartysty dodada túrkistandyq arýlar aldyna jan salmaǵanyn jazdy.

Fınaldyq básekeni tamashalaýǵa Toǵyzqumalaq sporty federatsııasy prezıdenti Álıhan Báımenov qatysyp, júldeger komandalardy jeńisterimen quttyqtady.

Jarysqa Abaı, Almaty, Batys Qazaqstan, Qostanaı, Qyzylorda, Mańǵystaý, Pavlodar, Túrkistan jáne Aqtóbe oblystary men Almaty qalasynyń qurama komandalarynan quralǵan 70-ten astam zııatker qatysyp, oıynnyń «klassıka» jáne «blıts» túrinen ózara jeńimpaz komandany anyqtady.

Jarys nátıjesi boıynsha Túrkistan oblysynyń áıelder quramasy myqtylyq tanytyp, jalpykomandalyq esepte birinshi orynnan kórindi. Al ekinshi oryndy qyzylordalyq oıynshylar ıelense, úshinshi oryndy Pavlodar oblysynan kelgen komanda enshiledi.

Blıts túriniń nátıjesi mynadaı:
1 oryn - Túrkistan oblysy
2 oryn - Pavlodar oblysy
3 oryn - Aqtóbe oblysy.