Toǵyzqumalaq taqtasy ǵaryshqa ushyryldy

ASTANA. KAZINFORM – Dúnıejúzilik kóshpendiler oıyndary aıasynda ishinde tastary bar toǵyzqumalaqtyń taqtasy alǵash ret stratosfera qabatyna shyǵyp, qaıtadan jerge jetkizildi. Bul týraly QR Týrızm jáne sport mınıstrliginiń baspasóz qyzmeti málim etti.   

9 qyrkúıek kúni saǵat 09:09–da 5-shi Dúnıejúzilik kóshpendiler oıyndary aıasynda toǵyzqumalaqtan alǵashqy oıyndar bastaldy.

Qatysýshylardyń birinshi júrisi 9 oıynshydan turatyn 9 ústeldik taqtada, 9-shy uıadan bastalyp, esepteý jyldamdyǵymen saıysqa tústi.

«Erekshe aıta ketetin mańyzdy jańalyq — toǵyzqumalaq taqtasynyń ǵarysh keńistigine shyǵýy. Reseı ǵarysh agenttigimen aradaǵy kelisim negizinde ishinde tastary bar taqta alǵash ret Kóshpendiler oıyndary aıasynda stratosfera qabatyna shyǵyp, qaıtadan jerge jetkizildi», — delingen habarlamada.

Bul is-shara ústel oıyndarynyń jankúıerleri úshin ǵana emes, búkil Qazaqstan úshin de mańyzdy jańalyq. Óıtkeni toǵyzqumalaq — ǵaryshta bolǵan jalǵyz ústel oıyny.

5-shi Dúnıejúzilik kóshpendiler oıyndary aıasyndaǵy toǵyzqumalaq týrnırinde 41 elden, onyń ishinde Kolýmbııa, Bangladesh, Ulybrıtanııa, Frantsııa, Germanııa, AQSh, Qytaı, Latvııa, Afrıka jáne arab elderinen kelgen 114 qatysýshy baq synaıdy.