Toǵyz aıda habar-osharsyz ketken 17 myńnan astam azamattyń júrgen jeri anyqtaldy
ASTANA. KAZINFORM — Іshki ister mınıstrligi «Zań men Tártip» qaǵıdaty aıasynda qoǵamdyq qaýipsizdik pen quqyqtyq tártipti qamtamasyz etý baǵytyndaǵy jumystaryn jalǵastyrýda, - dep habarlaıdy Polisia.kz.
5 qazannan bastap búkil el aýmaǵynda «Qaýipsiz úı» jedel-profılaktıkalyq is-sharasy ótkizilip jatyr.
Іs-sharanyń basty maqsaty - turǵyn úı sektoryndaǵy quqyq buzýshylyqtardyń aldyn alý, polıtsııa men halyq arasyndaǵy ózara baılanysty nyǵaıtý. Іs-shara barysynda polıtsııa qyzmetkerleri shamamen 249 myń turǵyn úı nysanyn, onyń ishinde 12,5 myń jaldamaly páterdi aralap shyqty. Tekserý nátıjesinde tirkeýsiz turýdyń toǵyz myńǵa jýyq dereginiń joly kesildi. 7 189 shetel azamaty ákimshilik jaýapkershilikke tartyldy. Turaqty turǵylyqty jeri joq 2 128 adam polıtsııa organdaryna jetkizildi.
Páter urlyǵynyń, ınternet-alaıaqtyqtyń jáne basqa da quqyq buzýshylyqtardyń aldyn alýǵa erekshe kóńil bólinip jatyr. Polıtseıler múlikti qorǵaý jáne jeke qaýipsizdikti saqtaý jónindegi usynymdary bar 223 myńnan astam aqparattyq jadynama taratty.
Sonymen qatar búkil el boıynsha halyqpen segiz myńnan astam kezdesý ótkizilip, oǵan 160 myńǵa jýyq azamat qatysty. Profılaktıkalyq jumystyń mańyzdy bóligi - turǵyndarmen keri baılanys ornatý. Arnaıy QR-kodtar men chattar arqyly polıtsııaǵa 2 693 ótinish pen usynys kelip tústi. Olardyń árqaısysy boıynsha tıisti sharalar qabyldandy. Sonymen birge profılaktıkalyq esepte turǵan azamattarmen jumys júrgizilip jatyr. Esepte turǵan alty myńǵa jýyq adam tekserilip, 1 511 quqyq buzýshylyqtyń joly kesildi.
Іs-sharanyń taǵy bir mańyzdy baǵyty - kámeletke tolmaǵandar arasyndaǵy quqyq buzýshylyqtardyń aldyn alý. Reıdter barysynda polıtsııa qyzmetkerleri túngi ýaqytta eresekterdiń erip júrýinsiz júrgen kámeletke tolmaǵandarǵa qatysty 3 883 derekti anyqtady. 396 jasóspirim beıimdeý ortalyqtaryna ornalastyryldy.
Bul rette balalardyń qaýipsizdigine ata-analar men zańdy ókilder ǵana emes, belgilengen talaptardy buzýǵa jol beretin oıyn-saýyq oryndarynyń ıeleri de jaýapty. Mysaly, Almaty qalasynda tártip saqshylary kafede zańda belgilengen shekteýlerdi buza otyryp júrgen kámeletke tolmaǵan jasóspirimdi anyqtady. Mekeme ıesine qatysty Ákimshilik quqyq buzýshylyq týraly kodekstiń 132-babynyń 2-bóligi boıynsha ákimshilik is qozǵaldy. Sonymen qatar kafeniń qyzmeti 10 táýlikke toqtatyldy. «Qaýipsiz úı» jedel-profılaktıkalyq is-sharasy 5 qarashaǵa deıin jalǵasady.
Mınıstrlik jumysynyń taǵy bir mańyzdy baǵyty - qylmyskerlerdi izdestirý jáne habar-osharsyz ketken azamattardyń júrgen jerin anyqtaý. 2026 jyldyń toǵyz aıynda polıtsııa qyzmetkerleri habar-osharsyz ketken 17 myńnan astam adamnyń júrgen jerin anyqtady. Budan bólek, Qazaqstannyń quqyq qorǵaý organdarymen izdeýde júrgen 1 031 kúdikti ustaldy. Olardyń qatarynda Astana qalasynda ustalǵan 67 jastaǵy er adam bar. Ol alaıaqtyq jasady degen kúdikpen izdeýde bolǵan.
Іs materıaldaryna sáıkes 2018 jyly Qaraǵandy qalasynda ol kommertsııalyq uıymnyń qoımasynan taýardy satý syltaýymen alyp shyǵyp, quny 401 mln teńgeden asatyn múlikti ıemdengen. Іzdestirý jumystary basqa memleketterdiń quqyq qorǵaý organdarynan jasyrynǵan adamdarǵa qatysty da júrgizilýde. Qazaqstan aýmaǵynda TMD elderi men alys shet memlekettermen izdeýde júrgen 537 adam ustaldy. Mysaly, polıtseıler Almaty qalasynda 45 jastaǵy shetel azamatyn ustady. Ol 1,3 mlrd teńgeden astam somaǵa alaıaqtyq jasady degen kúdikke ilingen. 2023 jyly Bishkek qalasynda er adam Ońtústik Koreıadan kosmetıkalyq ónimderdi jetkizýdi uıymdastyrý syltaýymen jábirlenýshiniń aqshasyn ıemdengen.
- Polıtsııa qoǵamdyq qaýipsizdik pen quqyqtyq tártipti qamtamasyz etý baǵytyndaǵy jumystaryn jalǵastyrady. Zań men tártipti saqtańyzdar! - dedi ІІM ókilderi.
Aıta keteıik, Abaı oblysynda joǵalǵan 7 jastaǵy bala aýyldan 4 shaqyrym jerden tabyldy.
