«Tobylǵa» jańa bas bapker keldi
QOSTANAI. QazAqparat - Qazaqstan jastar quramasynyń bas bapkeri Vladımır Nıkıtenko qostanaılyq «Tobyl» tizginin ustady, dep habarlaıdy QazAqparat.
Bul týraly «QazAqparat» tilshisine klýb dırektory Nıkolaı Panın málim etti.
«Biz jyl ortasynan beri Vladımır Nıkıtenkomen kelissózder júrgizip keldik. Bastapqyda Qazaqstan fýtbol federatsııasy bul mamandy bizge jibergisi kelmedi. Sebebi ol 2017 jyldyń qańtar aıynan elimizdiń jastar quramasynyń aǵa bapkeri qyzmetin atqarady. Endi eki tarappen kelisilip, bilikti maman «Tobyldy» jattyqtyratyn bolyp sheshildi. Árıne, Nıkıtenkonyń Qazaqstan chempıonatyndaǵy tájirıbesi mol. Sondyqtan júldeli oryndardan kórinemiz degen úmit bar», - dedi Nıkolaı Panın.
Vladımır Nıkıtenko «Tobylmen» 2018 jyldyń qyrkúıek aıyna deıin kelisimshartqa otyrdy. Ol QR Jastar quramasyn da qatar daıyndaıtyn boldy.
