«Tobyldyń» fýtboldan UEFA Chempıondar lıgasyndaǵy qarsylasy anyqtaldy
NUR-SULTAN. QazAqparat - Qostanaıdyń «Tobyl» komandasynyń fýtboldan UEFA Chempıondar lıgasyndaǵy alǵashqy qarsylasy anyqtaldy, dep habarlaıdy QazAqparat tilshisi.
Qostanaılyq klýb atalǵan týrnırdiń birinshi irikteý kezeńinde Vengrııanyń «Ferentsvarosh» komandasymen kezdesedi.
«Ferentsvarosh» - Vengrııanyń ataqty klýbtarynyń biri. Óziniń elinde 33 márte chempıon atansa, 24 márte kýbokty tóbesine kóterdi. Oǵan qosa 6 márte sýperkýbok ıegeri bolsa, 2 márte Lıga kýbogyna qol sozdy.
Halyqaralyq deńgeıde 1964/65 jylǵy kezeńde UEFA Jármeńke kýbogyn (UEFA kýbogy jáne Eýropa lıgasy oıyndarynyń bastaýy) jeńip aldy. Ázirge bul Vengrııa klýbtarynyń arasyndaǵy eýrokýbok oıyndarynda alǵan jalǵyz nátıje sanalady. Komanda óziniń tarıhynda 68 márte túrli deńgeıdegi trofeıge ıe boldy.
Atalǵan týrnırdiń birinshi kezeńindegi alǵashqy oıyn 5 shildede «Tobyldyń» alańynda ótkizilse, qarymta kezdesý 12 shildede Vengrııa jerinde bolady.
Eske salsaq, fýtboldan Avstralııa quramasy álem chempıonatyna joldama aldy.
https://lenta.inform.kz/kz/futboldan-avstraliya-kuramasy-alem-chempionatyna-zholdama-aldy_a3944033
