«Tobyldyń» eki fýtbolshysy tamaqtan ýlanǵan
QOSTANAI. QazAqparat - Qostanaılyq «Tobyldyń» eki birdeı fýtbolshysy oblystyq aýrýhananyń jansaqtaý bólimine tústi. Bul týraly komandanyń bas bapkeri Vladımır Gazzaev málim etti, dep habarlaıdy QazAqparat.
Qazaqstan chempıonatynyń 8-shi týryndaǵy «Astana» - «Tobyl» kezdesýine alań qonaqtarynyń eki fýtbolshysy shyqpaı qalǵan edi. Munyń sebebin bas bapker Vladımır Gazzaev túsindirdi.
«Astanamen» oıynnyń aldynda Senın Sebaı men Dmıtrıı Mıroshnıchenko ózderin jaısyz sezinip, dárigerdiń kómegine júgindi. Aýrýhanada olardy jansaqtaý bólimine jatqyzdy. Sebebi, olardyń taǵamnan ýlanǵany anyqtaldy. Qazir Mıroshnıchenkonyń jaǵdaıy aýyr. Dárigerler onyń ómiri úshin kúresip jatyr», - dedi komandanyń bas bapkeri.
Sonymen qatar, jumysyna salǵyrt qaraǵany úshin «Tobyl» klýbynyń dárigeri jumystan ketkeni belgili boldy.
Eske salsaq, oblystyq densaýlyq saqtaý departamenti eki sportshynyń aýrýhanaǵa túskenin habarlaǵan-dy.
