«Tobyldyń» bas bapkeri Marek Zýb jumysynan ketken joq
QOSTANAI. QazAqparat - «Tobyl» fýtbol klýby BAQ-da taraǵan bas bapkerge qatysty aqparatty joqqa shyǵardy, dep habarlaıdy QazAqparat klýbtyń resmı saıtyna silteme jasap.
«Tobyl» FK bas bapkeri Marek Zýb klýbtan ketken joq. Bul týraly agenttik tilshisine komandanyń medıa-ofıtseri Konstantın Doljanskıı málim etti.
«Keıbir BAQ maýsym aıaqtalmaı jatyp, Marek Zýbty qyzmetinen ketirip úlgeripti. «Tobyl» klýby bul aqparatty rastamaıdy. Ol áli de fýtbolshylardy jattyqtyryp júr. Polıak mamany Qazaqstan chempıonatynyń 33-týrynda «Qyzyljarǵa» qarsy ótetin matchqa daıyndalýda», - dedi K.Doljanskıı.
Aıta keteıik, Marek Zýb «Tobylǵa» Vladımır Nıkıtenkonyń ornyna keldi. Komandasymen Qazaqstan chempıonatynyń qola júldesin utyp aldy.
Foto: fctobol.kz
