Tobyldaǵy provızorlyq emhanadan sońǵy naýqas saýyǵyp shyqty
TOBYL. QazAqparat – Epıdemıologııalyq jaǵdaıdyń jaqsarýyna baılanysty Tobyl qalasyndaǵy provızorlyq ortalyq jabyldy. Statsıonardan búgin sońǵy syrqat emdelip shyqty, dep habarlaıdy QazAqparat oblystyq densaýlyq saqtaý basqarmasynyń baspasóz qyzmetine silteme jasap.
Tobyl qalasyndaǵy provızorlyq emhana 1 aıdan astam ýaqyt ishinde 125 naýqasty aıyqtyrǵan. Statsıonar búgin jumysyn toqtatty.
«Qazir statsıonar ishinde dezınfektsııalyq óńdeý jumystary júrgizilýde. Jaqyn arada shuǵyl jáne josparly túrde patsıentterdi qabyldaý qalypty jaǵdaıda jalǵasady.
Provızordan shyqqan naýqastar aýrý deńgeıine qaraı 7 kúnnen 10 kúnge deıin qosymsha em alady. Aıyǵyp shyqqandar qazirdiń ózinde medıtsına qyzmetkerleriniń baqylaýynda»,- deıdi vedomstvonyń baspasóz hatshysy Ksenııa Jılkıbaeva.
Aıta keteıik, bul provızorlyq statsıonar Tobyl qalasyndaǵy aýrýhananyń akýsherlik-gınekologııalyq bólimshesi janynan ashyldy. Naýqastarǵa 47 medıtsına mamany qyzmet kórsetip, birneshe aýysymmen táýlik boıy tynymsyz eńbek etti.
