«Tobyl» jańa quramyn tanystyrdy
QOSTANAI. QazAqparat - «Tobyl» fýtbol klýby jankúıerlerimen kezdesý ótkizdi, dep habarlaıdy QazAqparat tilshisi.
Komanda quramymen tanysý rásimi «Qostanaı» sport kesheninde ótti. Sharanyń alǵashqy bóliminde «Tobyl 2010» komandasynyń balǵyn aıaq-dopshylary joldastyq kezdesý ótkizdi. Nátıjesinde belgili fýtbolshy Valerıı Garkýsha daıyndaıtyn ujym Ermek Nurǵalıevtiń fýtbolshylaryn 2:0 esebimen jeńdi.
Sodan keıin «Tobyl» klýbynyń osy maýsymda oınaıtyn fýtbolshylary tanystyryldy. Bıyl komanda quramyna edáýir ózgeris endi. Aldymen bapkerler shtaby tolyqtaı jańardy. Bilikti maman Vladımır Nıkıtenko «Tobylǵa» birneshe jas oıynshylardy aldyrdy. Komanda kapıtany bolyp «Ordabasydan» kelgen Azat Nurǵalıev bekitildi. Sondaı-aq, Djaba Kankava, Vasılıı Kobın, Maksım Fedın syndy Eýropada oınap kelgen fýtbolshylar da «Tobyl» quramyn tolyqtyrdy.
Shara sońynda jankúıerler fýtbolshylarǵa suraqtaryn qoıyp, estelik sýretke túsýge múmkindik aldy.
«Tobyldyń» 2018 jylǵy fýtbol maýsymyna arnalǵan quramy tómendegideı:
Qaqpashylar: Dmıtro Nepogodov, Vıacheslav Kotlıar, Sultan Býsýrmanov
Qorǵaýshylar: Fernander Kassaı, Vasılıı Kobın, Vıktor Dmıtrenko, Vanche Shıkov, Dmıtrıı Mıroshnıchenko, Sultan Ábilǵazy, Grıgorıı Sartakov, Tımýr Jaqypov.
Jartylaı qorǵaýshylar: Nurbol Jumasqalıev, Artýras Jýlpa, Djaba Kankava, Nıka Kvekveskırı, Azat Nurǵalıev, Aslan Darabaev, Samat Jarynbetov,
Shabýylshylar: Jasulan Moldaqaraev, Turysbek Baýyrjan, Maksım Fedın
Bas bapker Vladımır Nıkıtenko
