«Tobyl» jańa bapkerdiń basshylyǵymen ótkizgen alǵashqy oıynda jeńiske jetti
QOSTANAI. QazAqparat - Qazaqstan chempıonatynyń 22-týrynda Qostanaıdyń "Tobyly" óz alańynda Taldyqorǵan fýtbolshylaryn qabyldady, dep habarlaıdy QazAqparat.
Alań ıeleri alǵashqy mınýttan birinshi nómirmen oınady. 7-mınýtta Hýan Leskano aıyp alańyna enip, Darabaevqa pas berdi. Qostanaılyq dopqa janasa almady. Gol soǵatyn múmkindikti Leskanonyń ózi múlt jiberdi. Komanda kapıtany Azat Nurǵalıev Samat Jarynbetovti týra paspen tapty. Sońǵysy dopty Hýan Leskanoǵa jalǵady. Qaqpashymen betpe-bet qalǵan argentınalyq qıys tepti.
Ekinshi taımda alańǵa "Tobyldyń" jańadan kelgen fýtbolshysy Ionýts Larıe shyqty. Ol lıtvalyq legıoner Artýras Jýlpany almastyrdy. Kezdesýdiń 57 mınýtynda Hýan Leskano aıyp alańyna pas berdi. Dop taldyqorǵandyq qorǵaýshydan serpilip, Aslan Darabaevtyń aldyna tústi. Darabaev jaqyn tustan qatelespedi. 1:0!
Kezdesý osy eseppen aıaqtaldy. Aıta keteıik, bul - "Tobyldyń" jańa bapkeri Marek Zýbtyń QR chempıonatyndaǵy birinshi oıyny. Onyń komandasy týrnır kestesiniń 3-satysynda qaldy. Al "Jetisý" besinshi orynda.
