«Tobyl» Túrkııada tórt match ótkizedi
QOSTANAI. QazAqparat - «Tobyl» fýtbol klýby jańa maýsymǵa daıyndyq jumystaryn Túrkııada ótkizedi, dep habarlaıdy QazAqparat tilshisi.
Qostanaıdyń klýby jattyǵý oıyndaryn 7-22 qańtar aralyǵynda ótkizedi. Komanda Anadoly jerinde 4 baqylaý matchyn uıymdastyrmaq. 12 qańtarda jergilikti «Chaıkýr Rızespor» klýbymen kezdesse, úsh kúnnen soń tanymal ujym «Sıvasspor» qostanaılyqtardyń qarymyn baıqap kóredi.
Al 18 qańtar kúni Albanııanyń «Tırana», 22 qańtarda reseılik «Lých Energııa» komandalarymen joldastyq kezdesýler josparlanǵan.
Jıynǵa klýbtyń negizgi oıynshylary jəne jastar quramynan birnesheýi shaqyrtý alǵan.
Munymen qosa, «Tobyl» sapy qaralymǵa keletin ftbolshylarmen tolyǵady. Bas bapker Vladımır Nıkıtenkonyń aıtýynsha, klýb qazirdiń ózinde 4 aıaq-dop sheberimen kelisimshartqa otyrdy.
