«Tobyl-Torǵaı murasy» jobasy iske qosyldy
Atalǵan jobanyń jospary týraly «Qostanaı oblysy azamattyq alıansy» uıymdastyrǵan jıynda aıtyldy. Negizgi maqsat - Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn nasıhattap, Qostanaı oblysynyń tarıhı-mádenı murasyn saqtaý.
«11-18 qarasha aralyǵynda «Uly dala qazynasy» atty press-týr ótkiziledi. Quramynda jýrnalıster men qoǵam belsendileri, eriktiler bar top Qostanaı oblysynyń 30-ǵa jýyq qasıetti jerine saıahat jasaıdy. Barlyǵy 20-dan astam aýdanǵa barý kózdelgen. Munyń syrtynda «Týǵan ólkem - Qostanaı!» saıty arqyly oblystyń mańyzdy tarıhı oryndary týraly derek alýǵa bolady», - dedi balalar jáne jastar uıymdarynyń tóraıymy Tatıana Antonınova.
Sonymen qatar, tarıhshylar men pedagogtar «JOO-daǵy saıası saǵat», «Ata-analar jınalysy» aktsııalaryn ótkizbek. Bul sharalar arqyly oqýshylar men stýdentterdi týǵan ólkemizdiń baı murasyn birlese zertteýge shaqyramyz deıdi uıymdastyrýshylar.