«Tobyl» «Shahterdi» oısyrata utty
ALMATY. 22 aqpan. QazAqparat - Keshe Túrkııanyń Antalııa qalasynda kezekti oqý-jattyǵý jıynyn ótkizip jatqan qostanaılyq «Tobyl» Ýkraınadaǵy Donetsk qalasynyń «Shahter» komandasy jastarymen joldastyq kezdesý ótkizdi.
Bul oıynda Vıacheslav Groznyı jattyqtratyn qostanaılyqtardan jartylaı qorǵaýshy Nurbol Jumasqalıev pen shabýylshy Mensýr Kýrtısh qos-qostan, al kelesi bir jartylaı qorǵaýshy Sergeı Kostıýk bir ret mergendik tanytty. Qarsylastar oǵan 1 doppen ǵana jaýap berdi.
Qostnaılyqtardyń Túrkııadaǵy 3-oqý-jattyǵý jıyny 20 aqpanda bastalǵan bolatyn. «Tobyldyń» bas bapkeri oǵan 24 aıaqdopshyny shaqyrǵan edi. Onyń úsheýi qaqpashy (ıAroslav Bagınskıı, Aleksandr Petýhov, Danııl Rıhard), toǵyzy qorǵaýshy (Radoslav Batak, Dmıtrıı Bogdan, Djonnes Markez De Soýza, Roman Dýplıakın, Dmıtrıı Karpov, Aleksandr Kıslıtsyn, Ermek Qýantaev, Oleg Lotov, Anatolıı Stýkalov), ony jartylaı qorǵaýshy (Evgenıı Averchenko, Anatolıı Bogdanov, Vıtalıı Volkov, Konstantın Golovskoı, Artem Delı, Baýyrjan Jolshıev, Nurbol Jumasqalıev, Sergeı Kostıýk, Alekseı Malyshev, Nenad Shlıvıch), al ekeýi shabýylshy (Igor Býgaev, Mensýr Kýrtıshı).
Ulttyq quramanyń bas bapkeri Mıroslav Berenak bul joly olardyń arasynan 22 aqpan men 1 naýryz aralyǵynda Antalııada ótetin jıynǵa birde-bir sportshyny qosqan joq. Buǵan olardyń ótken maýsymdaǵy Premer-lıgadaǵy súreńsiz oıyny sebep bolsa kerek.
