Tobyl ózeniniń jaǵasyndaǵy kóshelerdi sý basýy yqtımal
QOSTANAI. QazAqparat - Qostanaı qalasy mańyndaǵy sý basý qaýpi bar eldi mekender anyqtaldy, dep habarlaıdy «QazAqparat» HAA tilshisi.
Qalalyq tótenshe jaǵdaılar jáne azamattyq qorǵanys bóliminiń jetekshisi Gennadıı Kolchanovtyń aıtýynsha, Qostanaı qalasynyń mańyndaǵy eldi mekenderdi sý basý qaýpi áli seıilgen joq.
«Búginde qardyń qalyńdyǵy ortasha eseppen 15 sm, al sýdyń qory 20 mm kórsetip otyr. Soǵan qaramastan keıbir eldi mekenderdi sý basý qaýpi bar. Atap aıtqanda, «Áýejaı», «Qostanaı 2», «Qonaı», «Kolesnye rıady», «Dostyq», «Soltústik-batys» shaǵyn aýdandary qaýipti aımaqtar qataryna enedi. Sondaı-aq, Tobyl ózenine jaqyn kósheler de arnaıy tizimge qosyldy», -dedi Kolchanov.
Qazirgi kúni tótenshe jaǵdaılar kezinde 300 adamdy oqshaýlaıtyn qabyldaý pýnktteri ashyldy. Bulardyń arasynda № 1, № 2, № 14 mektepter jáne «GrIn Qostanaı oblysynyń azamattyq alıansy» ǵımaraty bar. Buǵan qosa azyq-túlikter men dári-dármekterdiń qory jıyldy.
«10 naýryzǵa deıin kommýnaldyq mekeme qyzmetkerleri sý basý qaýpi bar eldi mekenderdiń tóńiregindegi qardy tazartyp bitiredi. Al 5-6 naýryzda oblysta tasqynǵa qarsy is-sharalar pysyqtalady. Oqý-jattyǵý jıyndary josparlanǵan»,- deıdi Gennadıı Kolchanov.
