Tobyl ózeninen 49 jastaǵy áıeldiń denesi tabyldy
QOSTANAI. QazAqparat - Tobyl ózeninen joǵalyp ketken áıeldiń máıiti tabyldy, dep habarlaıdy QazAqparat tilshisi.
28 maýsymda Qostanaı qalasynan úsh shaqyrym jerde Tobyl ózeninen Qostanaı oblysy TJD JQJ kúshimen 1971 jyly týǵan áıeldiń máıiti tabylyp, sýdan shyǵaryldy.
Esterińizge sala keteıik, 27 maýsym saǵat 22:45-te Tobyl ózeniniń jaǵalaýynda 49 jastaǵy áıel belgisiz jaǵdaıda joǵalyp ketken. Súńgýir jáne izdestirý-qutqarý jumysy kezinde qutqarýshylar oqıǵa ornynan 1,5 km tómen qaraı áıeldiń denesin tapty.
Máıitti qutqarýshylar alyp shyǵyp, ózen jaǵasyna jetkizdi jáne polıtsııa qyzmetkerlerine tapsyrdy. Jazataıym oqıǵanyń mán-jaıy anyqtalyp jatyr.
Sot-medıtsınalyq saraptama taǵaıyndaldy.
Oqıǵa ornynda «Qostanaı oblysy TJD ÓSjAQJQ» MM JQJ 12 qyzmetkeri, úsh júzý quraly, bir kvadrokopter jáne tórt tehnıka jumys istedi.
