Tobyl ózeninde kólikpen qarǵa batqan balyqshylar qutqaryldy

QOSTANAI. QazAqparat – Rýdnyıdyń eki balyqshysy qar qursaýynda qalǵan. Olardy qutqarýshylar aman alyp shyqty, dep habarlaıdy QazAqparat tilshisi.

7 qańtar 00:37 shamasynda Denısov aýdany aýmaǵynda, Pereleskı aýylynan 8 shaqyrym jerde Tobyl ózeninde eki balyqshy mingen avtokólik qardan shyǵa almaı qalǵan.

«Rýdnyı turǵyndary balyq aýlaýǵa kelgen. Kóp uzamaı kún raıy buzylyp, qar qaýmalap, kólik jaǵaǵa shyǵa almaı qalǵan. Syrttan kelgen balyqshylar baǵyttarynan aırylyp, qutqarýshylarǵa naqty qaı jerde turǵandaryn túsindire almaǵan. Kúshti jel, boran men kórinýdiń nasharlyǵy qutqarý jumystaryn tipten qıyndatyp jiberdi. Azamattarǵa Denıs aýdany TJB eki qyzmetkeri «Nıva» avtokóligimen jáne Jitiqara Arnaıy bólimshesiniń qutqarýshylar toby «ıAmal» arnaıy kóligimen kómekke bardy. Saǵat 6:42-de balyqshylar mingen avtokólik jaǵadan 1,5 shaqyrym jerden tabyldy. Kóp uzamaı qutqarylǵan balyqshylar Pereleskı aýylyndaǵy jylytý ortalyǵyna jetkizildi», - dep habarlady Qostanaı oblystyq TJD ókilderi.

Foto Qostanaı oblystyq TJD alyndy