«Tobyl» óz alańynda «Aqtóbeden» utyldy
QOSTANAI. QazAqparat - Fýtboldan el chempıonatynyń kezekti týrynda Qostanaıdyń «Tobyly» Aqtóbe oblysynyń komandasyn qabyldady, dep habarlaıdy QazAqparat.
Birinshi taımnyń sońyna taman aqtóbelikter esep ashty. Markýs Pızellı aıyp dobyn sátti oryndady. Kezdesýdiń birinshi bóligi «Aqtóbe» paıdasyna sheshildi.
Matchtyń bóliginde alańǵa «Tobyl» fýtbolshysy Nıka Kvekveskırı shyqty. Ol qorǵaýshy Vanche Shıkovty almastyrdy. Sol qaptaldan umtylǵan Maksım Fedındi qarsylas komandanyń qorǵaýshylary shalyp jyqty. Nıka Kvekveskırı alystan shirene tepti. Kelesi sátte penaltı suraǵany úshin B.Turysbek «sary qaǵazben» jazalandy. Al qonaqtar ózderiniń ekinshi goldaryn soqty. Taǵy da Pızellı! «Tobyl» qorǵaýshylaryn aldap ótken Markýs qaqpanyń oń jaq buryshyna týra soqqy baǵyttady.
Esep aıyrmasyn qysqartqan alań ıeleri tolyǵymen shabýylǵa kóshti. Sonyń nátıjesinde ózderine qarymta shabýyl ótkizip aldy. Óz aıyp alańynda qolmen oınaǵan Dmıtrıı Mıroshnıchenko alańnan qýyldy. Al Markýs Pızellı núkteden qatelesken joq. Het-trık!
Oıynnyń 83-mınýtynda tóreshi kezdesýdegi úshinshi penaltıdi belgiledi. Azat Nurǵalıev te óz múmkindigin múlt jibermeı, dýbl jasady.
Tóreshi qosqan bes mınýtta esepke ózgeris enbedi. Osylaısha, «Tobyl» óz alańynda ekinshi match qatarynan utylyp qaldy.
