Tobyl» oıynshysy B. Jolshıev úshin «Dınamo» komandasy 1,5 mln. dollar usynyp otyr
ASTANA. 28 aqpan. QazAqparat - Qazaqstan quramasynyń jáne «Tobyl» komandasynyń 22 jasar oıynshysy Baýyrjan Jolshıev máskeýlik «Dınamo» komandasynyń transferlik maqsatyna aınaldy.
«Dınamo» Jolshıev úshin qomaqty qarjy berýge daıyn. Máskeýlik komanda qazaq fýtbolshysy úshin basynda 1,2 mıllıon dollar usynǵan. Biraq «Tobyl» komandasynan jaýap bolmaǵan soń somany 1,5 mıllıon dollarǵa kótergen. «Tobyl» komandasynyń basshylyǵy fýtbolshyny satýǵa daıyn. Biraq Qostanaı oblysy ákimdigi Jolshıevti jibergisi kelmeı otyr. Al «Dınamo» oıynshyny satyp alýǵa ketetin qarjyny taǵy da kóterýge daıyn ekendikterin bildirdi. Eger ákimdik kelisse, onda Jolshıev «Dınamo» jeıdesin kııýi múmkin, dep habarlaıdy «Alaman».
