«Tobyl» osy jyldaǵy birinshi oıynynda jeńildi
QOSTANAI. QazAqparat - «Tobyl» fýtbol klýby oqý-jattyǵý jıyndaryndaǵy alǵashqy matchyn ótkizdi, dep habarlaıdy QazAqparat.
Qostanaılyq klýb Túrkııa chempıonatynda óner kórsetetin «Chaıkýr Rızespor» klýbymen kezdesip, 0:2 esebimen utyldy. Eki gol da ekinshi taımda soǵyldy.
«Tobyl» bapkeri alańǵa jas fýtbolshylardy shyǵardy. Sondaı-aq, qaralymda júrgen Baýyrjan Turysbek, Maksım Fedın, Vıacheslav Kotlıar sııaqty oıynshylar da ózderin kórsetýge múmkindik aldy.
Aıta keteıik, klýbtyń resmı saıty atalǵan matchty tikeleı efırde kórsetti. «Tobyl» FK baspasóz qyzmetiniń habarlaýynsha, endi kelesi oıyn «Sıvasspor» komandasymen ótkiziledi. Match 15 qańtarda Astana ýaqytymen 20:30-da kórsetiledi.
FOTO/kazfootball.kz
