«Tobyl» men «Lokomotıv» fýtbol klýbtaty arasyndaǵy joldastyq kezdesý 0:0 esebimen aıaqtaldy
ALMATY. 11 aqpan. QazAqparat /Erlik Erjanuly/ - Keshe Túrkııanyń Belek qalasynda Sergeı Maslenov jattyqtyratyn Qostanaıdyń «Tobyl» fýtbol klýby kezekti joldastyq kezdesýin ótkizdi.
Olardyń bul jolǵy qarsylasy Bolgarııanyń «A» tobynda óner kórsetetin Plovdıv qalasynyń «Lokomotıv» komandasy boldy. Ótken maýsymda qostanaılyqtar Qazaqstan Premer lıgasynda 7-oryn alsa, plovtıkter óz elinde úzdik bestiktiń qatarynan kóringen edi. Bul kezdesýde eshkim esep asha almaı, eki jaq teń oıyndy qanaǵat tutty.
«Tobyl» sońǵy joldastyq kezdesýin endi 13 aqpanda Serbııanyń «Radnıchkı» klýbymen ótkizedi. Jalpy bul eldiń birneshe qalasynda «Radnıchkı» degen komanda bar. Qostanaılyqtardyń bul jolǵy qarsylasy Nısh qalasyndaǵy Serbııanyń Ekinshi lıgasynda oınaıtyn qurdastary bolmaq.
Negizi 1923 jyly 23 sáýirde qalanǵan bul komandanyń 60 myń adamdyq stadıony bar. Nıkola Matıevıch jattyqtyratyn nıshtikter 2009/2010 jyly Birinshi lıgaǵa oralǵanmen, 15 oryn alyp 2010/2011 jyldary qaıtadan Ekinshi lıgaǵa túsip qalǵan bolatyn. Komandanyń óz tarıhyndaǵy eń úlken jetisteri ótken ǵasyrdyń enshisinde. Atap aıtqanda olar 1979/1980, 1980/1981 jyldardaǵy maýsymda qatarynan 2 ret ıÝgoslavııa chempıonatynyń qola júlderi, 1981/1983 jyldardaǵy maýsymda ÝEFA kýbogynyń jartylaı fınalısi, al 1975 jyly Balqan kýbogynyń ıegeri bolǵan edi.
