«Tobyl» men «Aqtóbe» oıynynyń tóreshisi maýsym sońyna sheıin qyzmetinen shettetildi
ASTANA. QazAqparat - 29 maýsym kúni Qazaqstan fýtbol federatsııasy Tóreshiler komıtetiniń shuǵyl jıyny ótti, dep habarlaıdy QazAqparat.
Federatsııa málimetinshe, jıynda 23 maýsym kúni Qostanaı qalasynda ótken Premer-lıga klýbtary arasynda Qazaqstan chempıonatynyń 15 týryndaǵy «Tobyl» men «Aqtóbe» oıynyndaǵy tóreshiler jumysynyń sapasy qaraldy.
«Qazaqstan fýtbol federatsııasy Tóreshiler komıtetiniń músheleri Premer-lıga matchynda qate sheshim shyǵaryp, Premer-lıga tóreshilerine qoıylatyn kásibı talapty tómendetkeni úshin, sonymen qatar, jiberilgen qatelikter joǵaryda atalǵan oıynnyń nátıjesine áser etkeni úshin bas tóreshi Igor Aleshındi (Pavlodar) maýsym sońyna deıin qyzmetinen shetteý jónindegi sheshimdi biraýyzdan qabyldady», -delingen.
Qazaqstan fýtbol federatsııasy Tóreshiler komıtetiniń múshelerine tóreshilermen profılaktıkalyq jumysty turaqty júrgizý, barlyq deńgeıdegi jarystarda tóreshilerdiń sportqa jat qubylystaryn anyqtaý men qatelikterge jol bermeý jumystaryn kúsheıtýdi tapsyrdy.
