«Tobyl» Lıýksembýrgtyń komandasyn jeńip jatyr
NUR-SULTAN. QazAqparat - «Astana Arenada» 2019/2020 jylǵy Eýropa lıgasyna irikteý kezeńiniń alǵashqy raýndy aıasynda Qostanaıdyń «Tobyly» Lıýksembýrgtyń «Jóness Esh» komandasymen oınap jatyr, dep xabarlaıdy QazAqparat tilshisi.
Oıynnyń alǵashqy mınýttarynan-aq shartty túrde alań ıeleri sanalatyn qostanaılyqtar dopty baqylaýynda ustaýǵa tyrysty.
Al qonaqtar olardyń ár qadamyn ańdyp, qarsy shabýyldardy utymdy paıdalanbaq boldy. Qonaqtardyń qyraǵy qorǵanys shebi «Tobyldyń» shabýyldaýshylaryn birshama tusap ustady da, biraq 21-mınýtqa deıin. Qostanaılyqtardyń sol qanattan uıymdastyrǵan shabýylyn óreskel toqtatqany úshin grekııalyq tóreshi Emmanýıl Skoýlas aıyp dobyn belgiledi. Aıyp alańyna asyrylǵan dopqa talas kezinde qonaq komandanyń qorǵaýshylary «Tobyldyń» 8-nómirdegi qorǵaýshysy Vıktor Dmıtrenkodan kóz jazyp qaldy. Sony utymdy paıdalanǵan Vıktor jyldamdyq tanytyp, oıyndaǵy alǵashqy goldy soqty.
Birinshi taımda basqa gol soǵylǵan joq.
Aıta keteıik, «Tobyl» fýtbol klýby baspasóz qyzmetiniń málimdeýinshe, Qostanaı áýejaıynda jóndeý jumystary júrgizilýine baılanysty, «Tobyl» Eýropa lıgasyndaǵy óz alańyndaǵy matchtaryn ýaqytsha «Astana Arenada» ótkizedi.
