«Tobyl» Krasnodar shabýylshysymen kelissóz júrgizýde
ASTANA. QazAqparat - Kolýmbııalyq vınger Rıkardo Laborde kelesi aptada «Tobyl» komandasymen kelisimshartqa otyrýy múmkin, dep jazady «SPORTINFORM» SAA.
30 jastaǵy vınger sońǵy 5 jylyn Reseıdiń eń myqty degen klýbtarynyń birinde ótkizdi. Onyń esebinde 73 match pen «Qrasnodar» quramynda 11 gol bar. Laborde osyǵan deıin otyrǵan kelisimsharty merziminiń aıaqtalýyna baılanysty ózge jumys berýshilermen kelissóz júrgizýde. Osy rettegi basty kandıdattardyń biri «Tobyl» komandasy bolyp otyr. Laborde búginde Qazaqstanǵa vıza alý úshin qajetti qujattardy jınaýǵa kirisken.
«Tobyl» basshylyǵy Labordemen kelisimshartty terzirek bitirýge múddeli. Olar bul jańalyq týraly Eýropa lıgasynyń irikteýiniń birinshi týryna jaqyn jarııa etýdi kózdep otyr.
Aıta keteıik, qostanaılyqtar Eýropa lıgasynyń birinshi irikteý týrynda grýzııalyq «Samotredııamen» oınaıdy. Eger «Tobyl» ókilderi birinshi týrdan aman ótse, ekinshi raýndta olardy «Pıýnık» - «Vardar» komandalarynyń jeńimpazy kútip tur.
Aıta ketetin másele, «Tobyl» komandasyn osyǵan deıin ýkraına forvardy Anton Shınder ketken bolatyn. Jaqynda atalmysh komandamen kelisimdi Vasılıı Kobın buzbaq.
