«Tobyl» klýby alańǵa shyǵyp ketken jankúıerler úshin mıllıon teńge tóleıdi
ASTANA. QazAqparat - Astanada beısenbi kúni Qazaqstan fýtbol federatsııasynyń (QFF) tártiptik-baqylaý komıtetiniń májilisi ótti. Onda «Tobyl» fýtbol komandasyna alańǵa júgirip shyqqan jankúıerler úshin aıyppul salý máselesi qaraldy, dep habarlaıdy QazAqparat federatsııa saıtyna silteme jasap.
«Oıyn júrip jatqan ýaqytta jankúıerler alańǵa shyǵyp ketti. Bul matchty uıymdastyrý talaptarynyń qadaǵalanbaǵandyǵyn kórsetedi. Sol sebepti tártiptik reglamenttiń 62 baby, 1 bóligine sáıkes, «Tobyl» fýtbol klýby» JShS-y 2018 jyldyń 16 maýsymyna deıin 1 mln 202 myń 500 teńge aıyppul tóleıdi»,-delingen jıynnyń qorytyndysy boıynsha qabyldanǵan sheshimde.
Osyǵan deıin Qazaqstan premer-lıgasynyń 10 týrynda «Qaırat» komandasyn jeńgennen keıin «Tobyl» jankúıerleriniń jappaı alańǵa shyǵyp ketkendigi habarlandy.
