«Tobyl» fýtbolshylary jattyǵý jumystaryn bastady
QOSTANAI. QazAqparat – Qostanaıdyń «Tobyl» fýtbol klýby birneshe apta úzilisten soń jattyǵý jumystaryna qaıta oraldy, dep habarlaıdy QazAqparat klýbtyń resmı saıtyna silteme jasap.
25 mamyrdan bastap Qostanaı oblysynda sanıtarlyq-epıdemıologııalyq rejımdi kúsheıte otyryp, kóptegen nysandardyń, sonyń ishinde sporttyq ujymdardyń jumys isteýine ruqsat berilgen. Sol sebepti qostanaılyq kásibı fýtbolshylar jasyl alańǵa oralýǵa múmkindik aldy.
«Úzilisten keıin birinshi jattyǵý jeńildetilgen rejımde ótti. Bapkerler shtaby fýtbolshylardyń jaǵdaıyn baǵalady, soǵan qarap aldaǵy jumys josparyn qurady. Qazirgi OLIMPBET-Qazaqstan chempıonatynyń jalǵasatyn kúni belgisiz, biraq týrnırdi jalǵastyrý úshin eki jospar qarastyrylýda. Birinshisi – kórermensiz oıyndar 15 maýsymnan, al ekinshisi jabyq alańdarda 1 shildeden bastalýy múmkin», - delingen klýb saıtyndaǵy habarlamada.
Aıta keteıik, Pavlodardyń «Ertis» klýby fýtboldan Qazaqstan chempıonatyna qatysýdan bas tartty.
