«Tobyl» fýtbolshylary rýmynııalyq klýbtan jeńilip qaldy
ASTANA. QazAqparat - Qostanaılyq «Tobyl» fýtbol klýby Rýmynııanyń «Klınchenı» komandasynan 0:2 esebimen utyldy, dep habarlaıdy «Tobyl» klýbynyń resmı saıty.
«Komandalar birinshi taımdy golsyz ótkizdi. Ekinshi kezeńde qarsylastar sharshańqyrap qalǵanda, qaýipti sátter kóbeıdi. Osyndaı shabýyldarda rýmyndyq fýtbolshylardyń mereıi ústem boldy», - delingen habarlamada.
«Tobyl» úshinshi oqý-jattyǵý jıynyn aıaqtady. «Klınchenımen» bolǵan matchta qostanaılyqtardan 8 oıynshy qatysqan joq. Nenad Shlıvıch pen Nıkola Tonev jaraqattardan keıin ózderiniń alǵashqy oıyndaryn ótkizdi. Ekeýi de bir-bir taımnan dop tepti.
«Kelesi jıynda bizdiń komanda tolyq qurammen shyǵatyn bolady. Sol kezde oıynshylardyń nátıjelerin kóremiz», - deıdi «Tobyl» klýbynyń sporttyq dırektory Konstantın Galchenko.
