«Tobyl» fýtbolshylary hokkeı alańyna shyǵady
QOSTANAI. QazAqparat - «Tobyl» fýtbol klýbynyń qosalqy quramy ekinshi oqý-jattyǵý jıyndaryn Qostanaıda ótkizip jatyr, dep habarlaıdy QazAqparat.
«Tobyl» fýtbol klýbynyń baspasóz qyzmetiniń málimetine súıensek, fýtbolshylardyń ekinshi oqý-jattyǵý jıyndary bir aıǵa sozylady. Komandanyń bas bapkeri Sergeı Maslenov aıtqandaı, ár aptaǵa arnaıy daıyndyq jattyǵýlary bekitilgen.
«Úsh apta «Jastar» alańynda, bir apta ortalyq saıabaqta, taǵy bir apta jattyǵý «Tehnodom arenanyń» muz aıdynynda uıymdastyrylady. Sońǵysy - bıyldyń basty jańalyǵy. Fýtbolshylar birinshi ret hokkeı alańynda daıyndalýda. Mundaı jattyǵýlardyń paıdasy mol», - deıdi bas bapker.
«Tobyldyń» qosalqy quramy ekinshi jattyǵý jıyndaryna 36 fýtbolshy shaqyrtty. Olardyń ishinen iriktelgender komandamen kelisim-shartqa otyrmaq.
Eske salsaq, «Tobyldyń» negizgi komandasy Túrkııada daıyndyq jumystaryna attandy.
Osyǵan deıin «Tobyl» fýtbol klýbyna jańa bas bapkerdiń kelgenin jazǵan edik.
