«Tobyl» fýtbol klýbynyń dırektory: Biz bul jańalyqty kútken joqpyz
QOSTANAI. QazAqparat - «Tobyldyń» dırektory Nıkolaı Panın óz komandasy men aǵylshyndyq «Ýotfordtyń» jeıdeleriniń uqsastyǵy týraly aıtyp berdi, dep habarlaıdy QazAqparat.
Nıkolaı Panın agenttik tilshisine bergen suhbatynda sport kıimderiniń uqsastyǵy zań turǵysynda eshqandaı kedergi keltirmeıtinin málimdedi.
«Biz Adidas kompanııasynyń Qazaqstandaǵy resmı ókiline shyǵyp, uqsas jeıdeler týraly surastyrdyq. Resmı ókil fýtbol formasyn tańdaý ár klýbtyń ózderiniń sheshimi ekenin aıtty. Sol sebepti, biz Anglııa klýbynyń oıyn jeıdesiniń uqsastyǵynan eshqandaı kedergi kórip otyrǵan joqpyz. Bir fırma bolǵandyqtan taýar katalogy da birdeı, sondyqtan mundaı kezdeısoqtyqtar kezdesip turady. Biz bul jańalyqty kútken joqpyz. «Ýotford» komandasyna bizge oıda joqta jarnama jasaǵany úshin alǵysymdy bildiremin», - dedi «Tobyldyń» dırektory.
Aıta keteıik, áleýmettik jelilerde «Tobyl» men «Ýotfordtyń» oıyn jeıdeleriniń uqsastyǵy qyzý talqyǵa túsken bolatyn.
