«Tobyl» fýtbol klýbyna jańa bas bapker taǵaıyndaldy
«Tobyl» klýbynyń baspasóz qyzmetinen málim etkendeı, Mılıch Chýrchıch 1981 jyly 26 qańtarda dúnıege kelgen.
M.Chýrchıch jattyqtyrýshylyq mansabyn 2013 jyly «Atyraýda» bapkerdiń kómekshisi esebinde bastaǵan.
Sodan keıin Kýveıttiń «Ál-Djahra», Lıvııa quramasyn, Serbııanyń «Proleter» jáne Irannyń «Zob Ahan» klýbtaryn jattyqtyrdy. Ótken maýsymdy Chýrchıch «Shahter» (Solıgorsk) komandasynyń bas bapkeri mindetin atqarýshy retinde aıaqtady. Onyń basshylyǵymen «Shahter» úshinshi ret qatarynan Belarýs chempıony atandy.
Jańa bas bapkerge Ivan Evıch kómektesedi, ol buǵan deıin Serbııanyń jastar jáne ulttyq quramalarynda jumys istegen. Sondaı-aq shtabta qaqpashylar jattyqtyrýshysy Evgenıı Naboıchenko men dene daıyndyǵy bapkeri Evgenıı Antonov eńbek etýdi jalǵastyrady.
Ótken jyly qostanaılyqtar Qazaqstan chempıonatynda qola júldeger atanǵan edi.
Eske sala keteıik, budan buryn qaqpashy Ýgo Lorıstiń Frantsııa quramasyndaǵy mansabyn aıaqtaǵanyn jazǵan bolatynbyz.
Foto: instagram.com/fctobol
