«Tobyl» fýtbol klýby Túrkııada ekinshi oqý-jattyǵý jıynyn ótkizip jatyr
ALMATY. 5 qańtar. QazAqparat /Erlik Erjanuly/ - Qostanaıdyń «Tobyl» fýtbol klýby búgin Túrkııada maýsymaralyq ekinshi oqý-jattyǵý jıynyn bastady. Qazaqstan chempıonynyń «Dostastyq kýbogy» qarsańyndaǵy sońǵy ázirligi 13 qańtarǵa deıin sozylady.
Al kelesi kúni olar atalmysh jarysta el namysyn qorǵaý úshin Antalıadan Sankt-Peterborǵa(«Antalıa - Máskeý - Sankt-Peterbýrg») ushyp keledi.
Alǵashqy jıyn 19-27 jeltoqsan kúnderi ótken bolatyn. Onda qostanaılyqtar 4 joldastyq kezdesý ótkizdi. Bul oıyndarda Podolskanyń "Vıtıaz" klýbynan 0:2 esebimen utylyp, Naberejnyı Chelnovtyń "KamAZ" (Reseı) klýbyn 2:1, Túrkııanyń "Tepotspor" komandasyn 12:2 esebimen jeńip, taǵy bir reseılik klýb Voronejdiń "Fakelimen" (Voronej) 1:1 esebimen teń tústi. Onda klýb basshylyǵymen baıqaýǵa shaqyrylǵan 20 fýtbolshynyń arasynan "Aqtóbe" fýtbol klýbynyń oıynshysy Aleksandr Petýhov pen Astananyń "Lokomotıv" fýtbol klýbynyń legıoneri Vlade Lazarevskımen kelisimshart jasasqan edi. Bas bapker Ravıl Sabıtovtiń bul jıynǵa shaqyrǵandarynyń arasynda Abdýlın, Zarechnyı jáne Evstıgneev joq.
