«Tobyl» fýtbol klýby Eýropa lıgasyna joldama aldy
QOSTANAI. QazAqparat - Qostanaıdyń «Tobyly» Eýropa Lıgasyna qatysý quqyǵyn rastaıtyn sertıfıkatqa ıe boldy, dep habarlaıdy QazAqparat Qazaqstan fýtbol federatsııasynyń baspasóz qyzmetine silteme jasap.
Búgin Qazaqstan fýtbol federatsııasy sertıfıkattaý komıssııasynyń otyrysyn ótkizdi. Komıssııa músheleri 2018-2019 jylǵy ÝEFA maýsymynyń klýbtyq jarystaryna qatysatyn fýtbol komandalaryna sertıfıkattaryn tapsyrdy.
«2018-2019 jylǵy ÝEFA týrnırlerine «Astana» (Astana), «Qaırat» (Almaty), «Ertis» (Pavlodar) fýtbol klýbtary qatysady. Komıssııa «Ordabasy» fýtbol klýbyna ÝEFA sertıfıkattaý erejesindegi qarjylyq talaptardy oryndamaǵany úshin sertıfıkat berýden bas tartty. 2017 jylǵy Premer-lıga komandalary arasynda Qazaqstan chempıonatynyń qorytyndysy boıynsha jáne ÝEFA klýbtyq týrnırleriniń qarjylyq talaptaryn oryndaǵany úshin «Tobyl» fýtbol klýbyna ÝEFA jarystaryna qatysý quqyǵyn rastaıtyn sertıfıkat berildi», - dedi QFF baspasóz qyzmetiniń mamany Muratbek Bımanov agenttik tilshisine.
Osylaısha, Qostanaıdyń «Tobyly» bıylǵy fýtbol maýsymynda Eýropa lıgasynda óner kórsetýge múmkindik aldy.
