«Tobyl» fýtbol klýby 23,9 mln teńgege satyldy
QOSTANAI. QazAqparat - 29 jeltoqsanda qostanaılyq «Tobyl» fýtbol klýby baǵany tómendetý boıynsha júrgizilgen elektrondy saýda arqyly satyldy, dep habarlaıdy «QazAqparat» HAA tilshisi Qostanaı oblystyq qarjy basqarmasyna silteme jasap.
Jekeshelendirý jáne jekeshelendirýdi baqylaý bóliminiń basshysy Lıýbov Kazorınanyń aıtýynsha, bastapqy quny 95 mıllıon 915 myń teńge bolǵan «Tobyl» FK memlekettik úlesi 23 mıllıon 978 myń teńgege satyldy.
Satyp alýshy tabylmaǵandyqtan alǵashqy saýdalar sátsiz aıaqtaldy. Jańa satyp alýshynyń aty-jóni ázirge habarlanbady. Onyń Qazaqstan rezıdenti ekeni ǵana belgili.
