«Tobyl» Albanııanyń ataqty klýbymen teń oınady
QOSTANAI. QazAqparat - Qostanaıdyń «Tobyly» bıylǵy fýtbol maýsymdaǵy birinshi golyn soqty, dep habarlaıdy QazAqparat.
Qostanaılyq fýtbolshylar Túrkııa jerindegi úshinshi joldastyq kezdesýin Albanııanyń 24 dúrkin chempıondaryna qarsy ótkizdi. Áýeli, albanııalyqtar esep ashty. Ekinshi taımda «Tırana» qaqpashysynyń qateligin paıdalanǵan Jasulan Moldaqaraev tarazy basyn teńestirdi.
Osylaısha, «Tobyl» bıylǵy fýtbol maýsymyndaǵy birinshi golyn soqty. Munan soń qostanaılyqtar alǵa shyǵatyn múmkindik alǵan. Alaıda, Egon Výh, Maksım Fedın syndy shabýylshylarǵa dáldik jetispedi.
Endi «Tobyl» 21 qańtarda Bolgarııanyń «Arda» klýbymen kezdesedi.
